11 декабрь, Йәкшәмбе

26 апрель 2010 йыл, 16:03

Бөйөк Ватан һуғышы ветерандары өсөн концерт

автор: Николай Ермоленко

27 апрелдә Өфөнөң Октябрь районы «Буревестник» үҫмерҙәр клубында Бөйөк Ватан һуғышы ветерандары һәм тыл эшсәндәре өсөн концерт күрһәтелә.

Сараны Бөйөк Ватан һуғышында Еңеүҙең 65 йыллығын байрам итеү сиктәрендә үҫеп килеүсе быуынды патриотик рухта тәрбиәләү маҡсатында үҫмерҙәр клубы хеҙмәткәрҙәре, Өфөнөң, Октябрь районы хакимиәтенең йәмәғәтселек менән бәйләнеш һәм социаль-профилактик үҙәктәрҙе яраштырыу бүлеге ойоштора, тип хәбәр итә район хакимиәтенең мәғлүмәт-аналитика бүлеге.  

Бөйөк Ватан һуғышында ҡатнашыусылар һәм тыл эшсәндәре алдында байрам концерты менән «Буревестник»тың йәш артистары сығыш яһаясаҡ. Ветерандарҙы ҡала Советы депутаты  Марат Вәсимов ҡотларға йыйына. Фронтовиктар һәм тыл эшсәндәре һуғыш йылдары тураһында үҙ иҫтәлектәре менән уртаҡлашасаҡ. Сараның аҙағында ҡунаҡтарға сәй эсереү ойоштороласаҡ.

Концерт 17 сәғәттә башлана, клубтың адресы: Өфө, Рәсәй урамы, 153-сө йорт.

темалар: концерттар