7 декабрь, Шаршамбы

26 апрель 2010 йыл, 9:42

Халыҡ-ара Фулбрайт стипендияһы рәсәйлеләрҙе көтә

автор: Юлай Мәғсүмов

Фулбрайт магистрлыҡ һәм аспирантлыҡ программалары Рәсәй юғары уҡыу йортон тамамлаясаҡ студенттарға һәм аспиранттарға АҠШ университетында уҡыуға йәки бар дисциплиналар буйынса тикшеренеү эштәре алып барыуға гранттар бирә. АҠШ һәм Рәсәй халыҡтары араһындағы мәҙәни-академик бәйләнештәрҙе нығытыу – программаның төп маҡсаты. Программа тулыһынса АҠШ Дәүләт департаментынан финанслана.  

2010 йылда юғары уҡыу йортон тамамлаусылар ҙа конкурста ҡатнаша ала, бының өсөн юғары уҡыу йорто студенты булыуыңды һәм быйыл диплом алырға тейешлегеңде раҫлаусы белешмә тапшырырға кәрәк.  

Конкурсҡа документтар 2010 йылдың 15 майына тиклем ҡабул ителә. Тулыраҡ мәғлүмәтте http://fulbright.ru/ сайтынан алырға мөмкин.