9 декабрь, Йома

21 апрель 2010 йыл, 17:16

Генпрокуратура сайтында ветерандар хоҡуҡтарына арналған бүлек барлыҡҡа килде

автор: Марина Шумилова

Генпрокуратура үҙенең рәсми сайтында Бөйөк Ватан һуғышында Еңеүгә һәм ветерандар хоҡуҡтарын яҡлауға арналған бүлек асты. Был бүлектә Прокуратура органдарының һуғыш йылдарындағы эшмәкәрлеге тураһында тарихи белешмә, Прокуратура ветерандары – һуғышта ҡатнашыусыларҙың иҫтәлектәре, шулай уҡ ветерандар хоҡуҡтарын яҡлау буйынса Прокуратура органдары эшмәкәрлеге хаҡында яңылыҡтар бүлеге ҡуйылған, тип хәбәр итә Новости Рәсәй мәғлүмәт агентлығы.

Ведомство вәкиле Марина Гридневаның билдәләүенсә, Прокуратура органдары “Ветарандар тураһында” Федераль закон үтәлешен даими тикшерә һәм бар хоҡуҡ боҙоуҙар буйынса кисектергеһеҙ саралар күрә.  Ул һуғыш ветерандарын һәм уларҙың туғандарын Бөйөк Ватан һуғышы ветерандары хоҡуҡтарын ҡыҫыу осраҡтары тураһында РФ Генпрокуратураһы сайтының интернет-мөрәжәғәте ярҙамында Прокуратура органдарына хәбәр итеүҙе һораны.  

темалар: ветерандар