4 декабрь, Йәкшәмбе

16 апрель 2010 йыл, 15:29

«Нур» театры онкология сирле балаларға ярҙам итә

автор: Әлфиә Әһлиуллина

19 апрелдә Өфө “Нур” дәүләт татар театрында онкология сирле балаларға ярҙамға «Яратам һине, тормош!» хәйриә концерты үткәрелә. Диана Сиражитдинова ойошторған «Жар-птица» онкосирле һәм һәләтле балаларға ярҙам итеү йәмәғәт фонды – уның төп инициаторы.  

«Башинформ» агентлығына  «Нур» театрының матбуғат секретаре Гөлнур Усманованың хәбәр итеүенсә, концерттан килгән бар аҡса хәйриә ярҙамы күрһәтеүгә йүнәлтеләсәк. Атап әйткәндә, Дарья Демидоваға, Ләлә Мирхәйҙәроваға, Роман Атаевҡа матди ярҙам күрһәтеләсәк.

Театр хеҙмәткәре әйтеүенсә, мәрхәмәтлек концерты программаһында “Нур”ҙың иң яҡшы актерҙары – Гөлназ Биктимерова, Вилдан Мисбахов, Лина Ғәниева, Руслан Хисаметдинов һәм башҡалар ҡатнаша.