Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.54 ↑

EUR 67.68 ↓

29 июнь, Кесе йома

Уфа   °

Стәрлетамаҡта Ҡала суд һарайы асылды

Сәйәсәт

Стәрлетамаҡ буйынса эш сәфәре барышында Башҡортостан Президенты Мортаза Рәхимов Ҡала суд һарайын асыу тантанаһында ҡатнашты.

Стәрлетамаҡ ҡала суды — Рәсәйҙең берҙәм суд системаһына ингән дөйөм юрисдикция суды. Бында граждан һәм енәйәт эштәре, административ хоҡуҡ боҙоуҙар тураһындағы эштәр, тәүге инстанция суды, шулай уҡ аппеляция тәртибендә мировой судьялар тарафынан сығарылған хөкөмдәр һәм ҡарарҙар ҡарала. Суд аппараты 53 дәүләт граждан хеҙмәткәренән тора. Шуларҙың 46-һы – юғары юридик белемле.

Ағымдағы йылдың 22 мартында суд коллективы 4500 квадрат метрлыҡ яңы бинаға күсте.  Уның төҙөлөшө 95 миллионға төштө.  

Суд эшен бойомға ашырыу өсөн тейешле шарттар булдырылған. Һәр судьяның үҙ кабинеты бар. Суд ултырыштары айырым залдарҙа үтә.

Граждандар өсөн йәмәғәтселекте ҡабул итеү бүлмәләре бар,  унда һеҙҙе ҡыҙыҡһындырған бар мәғлүмәтте табырға мөмкин, шул иҫәптән электрон белешмә ярҙамында.

Судта локаль компьютер селтәре ғәмәлгә индерелгән. Судьялар мәғлүмәт–хоҡуҡ системаһы менән файҙалана ала.

Бинаның подвалында хөкөмгә тарттырылғандар өсөн ун камера ҡаралған. Суд ултырышы залдарына улар айырым баҫҡыстан оҙатыла, был процеста ҡатнашыусылар һәм суд хеҙмәткәрҙәре менән аралашыу мөмкинлегенә юл ҡуймай.    

Суд һарайын асыу тантанаһындағы сығышында Башҡортостан Президенты Мортаза Рәхимов Стәрлетамаҡ халҡы өсөн генә түгел, республика һәм илдең бөтә суд системаһы өсөн дә ваҡиғаның мөһим булыуын билдәләне. Мортаза Рәхимов БР Юғары суды рәйесе Михаил Тарасенкоға һәм Суд һарайын төҙөүселәргә айырым рәхмәтен еткерҙе.

Яндекс цитирования
Рейтинг ресурсов "УралWeb" -->
закрыть