7 декабрь, Шаршамбы

15 апрель 2010 йыл, 18:04

Башкортостан Президентына «Тайга»ның нимәгә һәләтле булыуын күрһәттеләр

автор: Сергей Захаров | фото: Айрат Нурмөхәмәтов | фото: Айрат Нурмухаметов

Бөгөн Башҡортостан Президенты Мортаза Рәхимов «Башсельхозтехника» дәүләт унитар ауыл хужалығы предприятиеһында булды. Бында уға «Тайга» ағас эшкәртеү ҡорамалының технологик мөмкинлектәрен күрһәттеләр.

Таҫма пилорама Новосибирскиҙа машиналар эшләү заводында етештерелә, ул бүрәнәләрҙе таҡта, брус, шпалдарға һәм башҡа төрлө материалдарға ярыу өсөн тәғәйенләнгән.

Станок ярайһы экономиялы, — тип билдәләй белгестәр. Минималь күләмдә бысҡы вағы менән ул сменаһына 10-12 кубометр таҡта етештерә ала.

Таҡта ярыу яйланмаһының уңышлы яҡтары иҫәбендә – сағыштырмаса юғары булмаған хаҡы (180 мең һум тирәһе), ышаныслы конструкциялы булыуы, ҡулланыуҙа ябайлығы, оҙаҡ көйләүҙе талап итмәй, йәнә компактлы ла. Үлсәмдәре  агрегатты һүтелгән килеш ябай микроавтобуста күсереп йөрөтөргә мөмкинлек бирә.  

Президент был продукцияға һорау булыу-булмауы тураһында ҡыҙыҡһынды. Уға унға яҡын таҡта ярыу агрегаты һатылыуы хаҡында әйттеләр.  Күп осраҡта уларҙы бәләкәй бизнес вәкилдәре алған.

«Башсельхозтехника» етәкселәре шулай уҡ республика башлығына алдағы сәсеү кампанияһына техниканың әҙер булыуын хаҡында ла хәбәр итте.