Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.35 ↑

EUR 63.18 ↑

20 ғинуар, Йома

Уфа   °

Европа иммунлаштырыу аҙналығы үтә

Йәмғиәт

2010 йылдың 26 апреленән 1 майына тиклем Европа иммунлаштырыу аҙналығы үтәсәк. Башҡортостан Республикаһы ла аҙналыҡ сараларында ҡатнашасаҡ.

Роспотребнадзорҙың БР буйынса идаралығы матбуғат хеҙмәтенән хәбәр итеүҙәренсә, был киң күләмле акция йыл һайын Бөтә донъя һаулыҡ һаҡлау ойошмаһының Европа бюроһы инициативаһы буйынса Европаның бөтә илдәрендә үткәрелә.

Рәсәй Федерацияһы, шул иҫәптән беҙҙең республика ла, акцияға 2006 йылда ҡушылды, һәм быйыл ул бишенсе тапҡырына үтә.

Акцияның маҡсаты, пропаганда һәм халыҡҡа маҡсатлы мөрәжәғәт көсөн файҙаланып, йоғошло ауырыуҙар хәүефе һәм иммунлаштырыу өҫтөнлөктәре тураһында хәбәрҙарлыҡ кимәлен күтәреүгә ҡайтып ҡала. Һуңғы һөҙөмтәлә былар барыһы ла балалар һәм өлкәндәр араһында йоғошло ауырыуҙарға ҡаршы прививка яһатыусыларҙың артыуына хеҙмәт итәсәк.

Башҡортостанда Европа иммунлаштырыу аҙналығын ойошҡан рәүештә һәм һөҙөмтәле үткәреү өсөн Роспотребнадзорҙың БР буйынса идаралығы һәм БР Һаулыҡ һаҡлау министрлығының 2010 йылдың 2 мартындағы “2010 йылда БР-ҙа Европа иммунлаштырыу аҙналығын ойоштороу һәм үткәреү тураһында”ғы приказы менән раҫланған берлектәге саралар планы әҙерләнде.

Халыҡты иммунлаштырыу мәсьәләләренә республика муниципаль берәмектәре органдарының иғтибарын йәлеп итеү маҡсатында хакимиәт башлыҡтарына хаттар ебәрелде.

Яндекс цитирования
Рейтинг ресурсов "УралWeb" -->
закрыть