9 декабрь, Йома

15 апрель 2010 йыл, 10:11

Рәсәй ҡулланыусылар күҙәтеүе республикала 362 партия аҙыҡ-түлекте бракка сығарған

автор: Ғәлиә Нәбиева

Рәсәй ҡулланыусылар күҙәтеүенең Башҡортостан Республикаһы буйынса идаралығы быйылғы йылдың беренсе кварталындағы тикшереүҙәр һөҙөмтәһендә дөйөм ауырлығы 2115 килограмм тартҡан 362 партия сифатһыҙ һәм хәүефле аҙыҡ продукттарын һәм аҙыҡ-түлек сеймалын бракка сығарған.

Ведомствоның матбуғат хеҙмәтенән хәбәр итеүҙәренсә, бракка сығарылған продукцияның иң ҙур өлөшө һөткә, һөт һәм май продукттарына, минераль һыуҙарға, икмәк һәм кондитер изделиеларына, ҡош итенә һәм ҡошсолоҡ продукцияһына тура килә. 22 литр алкоголь продукцияһы ла бракка сығарылған.