10 декабрь, Шәмбе

14 апрель 2010 йыл, 17:27

«ХХI быуат лабораторияһы» үҙ эшен башланы

автор: Эльмира Сабирова

Республика балалар (үҫмерҙәр) техник ижад үҙәгендә өҫтәмә белем биреү учреждениеларында уҡыусыларҙың «ХХI быуат лабораторияһы» алтынсы республика ғилми-ғәмәли конференцияһы эшләй башланы.

Уның төп маҡсаттары — интеллектуаль ижади шәхес үҫеше өсөн шарттар булдырыу һәм өҫтәмә белем биреү учреждениелары эшмәкәрлеген камиллаштырыу.

Конференцияла ете йүнәлеш буйынса эш ҡаралған: «Интернет менән бәйле компьютер технологиялары», «Компьютер графикаһы һәм анимация»,  «Программалаштырыу», «Электроника», «Электротехника», «Конструкциялау»,  «БР-ҙа сәнәғәт үҫеше һәм уйлап табыуҙар тарихы».

Йәш техниктар шулай уҡ халыҡ алдында лекциялар менән сығыш яһаясаҡ һәм ғилми-тикшеренеү эштәрен яҡлаясаҡ. Балаларҙың эштәренә вуз уҡытыусылары, өҫтәмә белем биреүҙең юғары квалификациялы педагогтары составындағы абруйлы жюри баһа бирәсәк.

Абсолют еңеүсене БР Мәғариф министрлығы "Мәғариф" өҫтөнлөклө милли проектын тормошҡа ашырыу сиктәрендә һәләтле йәштәрҙе яҡлау премияһына күрһәтәсәк.

Конференция эше 16 апрелдә тамамланасаҡ.

темалар: мәғариф