8 декабрь, Кесе йома

14 апрель 2010 йыл, 15:56

"Мәңгелек ут" рок фестиваленең гала-концерты Өфө районында үтә

автор: Эльмира Сабирова

Бөйөк Ватан һуғышында Еңеүҙең 65 йыллығына арналған «Мәңгелек ут» асыҡ район рок фестиваленең гала-концерты 17 апрелдә Өфө районының Булгаково ауылында үтәсәк.

Заманса вокаль-инструменталь сәнғәт саралары ярҙамында йәштәргә патриотик тәрбиә биреүгә, шулай уҡ һәләтле йәш башҡарыусыларҙы һәм музыкаль төркөмдәрҙе асыҡлауға йүнәлтелгән фестиваль өс этапта үтте.

Финалда ауылдарҙан 35 йәшкә тиклемге айырым башҡарыусылар, йәштәрҙән торған музыкаль коллективтар һәм вокаль-инструменталь ансамблдәр ҡатнаша.

Рок-фестиваль тамамланғас, ҡатнашыусыларҙың барыһына ла Өфө районы хакимиәтенән дипломдар, бүләктәр тапшырыласаҡ.