10 декабрь, Шәмбе

13 апрель 2010 йыл, 15:54

Астанала Башҡортостан предприятиеларының сауҙа-иҡтисади миссияһы үтәсәк

автор: Эльвира Латипова

БР Сәнәғәт һәм тышҡы иҡтисади бәйләнештәр министрлығы (ведомствола үҙгәртеп ҡороу бара) һәм республиканың Сауҙа-сәнәғәт палатаһы  Астанала (Ҡаҙағстан Республикаһы) Башҡортостан предприятиеларының Сауҙа-иҡтисади миссияһын ойоштора. Эшлекле сәфәр 19-22 апрелгә планлаштырылған.

Министрлыҡтың матбуғат хеҙмәтендә билдәләүҙәренсә, һуңғы ваҡытта республикабыҙ менән иҡтисади хеҙмәттәшлекте тәрәнәйтеү планында Ҡаҙағстан бизнесының әүҙемләшеүе күҙәтелә. Яҡтар әүҙем рәүештә делегациялар менән алмаша. Башҡортостан менән сауҙа әйләнеше күләме буйынса Ҡаҙағстан алдынғы өсәү иҫәбенә инә, ә БДБ илдәре араһында тотороҡло рәүештә беренсе урынды биләй.