7 декабрь, Шаршамбы

07 апрель 2010 йыл, 16:39

Сәсеү кампанияһына һуңғы әҙерлектәр бара

автор: Ғәлиә Нәбиева

Республиканың ауыл хужалығы предприятиелары сираттағы сәсеү кампанияһына һуңғы әҙерлектәрен тамамлай. Был көндәрҙә күп муниципаль райондарҙа агрономик конференциялар үтә, уларҙа яҙғы баҫыу эштәре стратегияһы һәм тактикаһы билдәләнә. Ауыл хужалығы министрлығы белгестәре быйылғы кампанияны һауа шарттарын һәм агротехник сроктарҙы иҫәпкә алып үткәреү буйынса рекомендациялар бирә. Техниканың әҙерлеге, сәсеү майҙандары структураһы, минераль ашламаларҙың күпме булыуы аныҡлана.

БР Ауыл хужалығы министрлығы матбуғат хеҙмәтенән хәбәр итеүҙәренсә, Ауырғазы, Ҡыйғы, Күгәрсен, Шишмә, Саҡмағош, Шаран, Дәүләкән һәм Миәкә райондарында агрономик кәңәшмәләр үтте лә инде. Яҡындағы көндәрҙә республиканың ҡалған райондары аграрийҙары сәсеү стратегияһын тикшерәсәк.