6 декабрь, Шишәмбе

06 апрель 2010 йыл, 9:07

«Янғантау» шифаханаһына йәнә бер награда

автор: Юлай Мәғсүмов

Екатеринбургта «Урал туризмы индустрияһы: дауаланыу һәм ял» халыҡ-ара күргәҙмәһендә «Янғантау» шифаханаһының уңышлы презентацияһы үтте. Салауат районы ынйыһының күләмле һәм бай мәғлүмәтле экспозицияһы күргәҙмәлә ҡатнашыусыларҙы һәм ҡунаҡтарҙы шифахана-курорт дауалауы өлкәһендә сифаттың юғары халыҡ-ара стандарттарына таянып, ҡунаҡсыллыҡ йолалары нигеҙендә эшләүе менән билдәле шифахананың уңыштары менән таныштырҙы.  

Күргәҙмәлә ҡатнашыусылар һәм ҡунаҡтарҙа «Янғантау» ижади коллективының сығышы сағыу тәьҫораттар ҡалдырҙы, үҙҙәре етештергән продукция ассортименты ла хайран итте. Конкурс һөҙөмтәләре буйынса «Янғантау» курорты «Күрһәтелгән хеҙмәттәрҙең юғары кимәле һәм күргәҙмә эшенә креатив ҡарашы өсөн» Гран-при менән билдәләнде.

темалар: курортология