4 декабрь, Йәкшәмбе

05 апрель 2010 йыл, 12:20

Бөтә донъя башҡорттары ҡоролтайы “Иң яҡшы башҡорт сайты”на конкурс иғлан итте

автор: "Башинформ"

Йәмәғәт ойошмаларының халыҡ-ара берлеге “Бөтә донъя башҡорттары ҡоролтайы (конгресы)” “Иң яҡшы башҡорт сайты” тип аталған яңы конкурс иғлан итә. Сарала республиканың башҡорт телендә эшләп килгән барлыҡ сайттары ҡатнаша ала. Йүнәлеше, йөкмәткеһе, идеяһы – һеҙҙең ихтыярҙа.

Башҡорт интернет-ресурстарын бер урынға туплау ниәтендә үткәрелгән конкурс Өсөнсө Бөтә донъя башҡорттары ҡоролтайына арнала. Ул 2010 йылдың мартынан июнь айына тиклем барасаҡ. Артабан был “көс һынашыу яланы” башҡорт сайттары базаһы булып ҡаласаҡ. Башҡорт интернет-ресурстары йылъяҙмаһынан ситтә ҡалмағыҙ! Тарихҡа үҙ исемегеҙҙе яҙып ҡалдырырға ашығығыҙ!

Тулыраҡ мәғлүмәт –  www.msoowkb.ru Бөтә донъя башҡорттары ҡоролтайы сайтында.