Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.71 ↓

EUR 63.36 ↑

30 май, Шишәмбе

Уфа   °

Өфөлә Хәзит Дауытов мемориалы старт алды

Йәмғиәт

Классик шахмат буйынса Өфөлә Хәзит Дауытов мемориалы старт алды. Республика балалар-үҫмерҙәр шахмат мәктәбендә үткән турнирҙы Өфөнөң Шахмат федерацияһы ойошторҙо.

Мемориалды асыу тантанаһында билдәле тренерҙың уҡыусылары Фәрит

Кәримов менән Карина Әхмәтова остаздары хаҡында иҫтәлектәре менән уртаҡлашты һәм уның тормош юлын хәтергә төшөрҙө.

Хәзит Дауытов уҙған быуаттың 80-се йылдарынан алып ғүмере аҙағынаса үҫмерҙәр уҡытҡан. Уның I Өфө политология гимназияһы тәрбиәләнеүселәренән торған командаһы ҡала һәм республика конкурстарында оҙаҡ йылдар Республика балалар-үҫмерҙәр спорт мәктәбе командаһы менән бер тигеҙ һөҙөмтәләр күрһәткән, ә улы Рөстәм Башҡортостанда беренсе булып халыҡ-ара гроссмейстер исемен яулаған һәм Германияла чемпион булған. Ҡаҙаныштарын танып, Өфө шахмат берләшмәһе йыл һайын уның иҫтәлегенә турнир ойоштора, бындай тәүге турнир 2000 йылдың июнендә үткәйне.

Әгәр уҙған йылда рейтинг турнирында Өфөнән 29 сатрашсы ҡатнашһа, быйыл 43 спортсы көсөн һынап ҡарарға теләк белдергән. Мемориал швейцар системаһы буйынса туғыҙ турҙа үтә һәм 11 апрелдә тамамлана. Йыйылған мәрәйҙәре буйынса, ә мәрәйҙәр һаны тигеҙ булғанда — башҡа төрлө өҫтәмә күрһәткестәр буйынса билдәләнгән еңеүсегә һәм приз алыусыларға грамоталар, ҡиммәтле бүләктәр тапшырыласаҡ.

Теги: сатраш
Яндекс цитирования
Рейтинг ресурсов "УралWeb" -->
закрыть