10 декабрь, Шәмбе

05 апрель 2010 йыл, 10:31

Ҡотҡарыу хеҙмәте хәбәр итә

автор: Сергей Захаров

Рәсәй Ғәҙәттән тыш хәлдәр министрлығының Башҡортостан буйынса Баш идаралығынан хәбәр итеүҙәренсә, уҙған тәүлектә республикала 12 янғын сыҡҡан. Ут менән бәйле ваҡиғалар Өфөнөң Октябрьский һәм Совет районында, Салауат һәм Стәрлетамаҡ ҡалаларында, шулай уҡ Туймазы, Ғафури, Күгәрсен, Бәләбәй, Көйөргәҙе, Балаҡатай һәм Ауырғазы райондарында күҙәтелгән.

Яҡынса зыян 610 мең һум тәшкил иткән. 3 миллион 560 мең һумлыҡ матди байлыҡ ҡотҡарылған. Янғындарҙы һүндереүгә янғын һүндереүселәр составынан 64 кеше һәм 24 махсус техника берәмеге йәлеп ителгән.

Республиканың һыу объекттарында тәүлек эсендә ғәҙәттән тыш ваҡиғалар күҙәтелмәгән.