8 декабрь, Кесе йома

05 апрель 2010 йыл, 9:52

Башҡортостан дзюдосылары донъя чемпионаты миҙалдары менән

автор: Дмитрий Слезин

Төркиәнең Анталияһында күреү һәләте буйынса инвалид спортсылар араһында донъя чемпионаты тамамланды.  

БР Йәштәр сәйәсәте, спорт һәм туризм министрлығының рәсми сайты хәбәр итеүенсә, Рәсәй йыйылма командаһында, 90 килограмға тиклем ауырлыҡ категорияһында сығыш яһаған Башҡортостан спортсыһы, атҡаҙанған спорт мастеры Олег Крецул беренсе урын яулаған.

Команда иҫәбе буйынса Рәсәй йыйылма командаһы икенсе урында, уның составында Башҡортостан вәкиле Константин Капитонов та көрәшкән (100 килограмға тиклем).

Йәнә бер яҡташыбыҙ Оксана Новокшенова (63 килограмға тиклем ауырлыҡ категорияһында) турнирҙа дөйөм команда иҫәбе буйынса өсөнсө урын алған ҡатын-ҡыҙҙар йыйылма командаһы составында ярышҡан.