4 декабрь, Йәкшәмбе

02 апрель 2010 йыл, 11:53

«Салауат Юлаев» - «Аҡ Барс»: ярымфинал алышының тәүге серияһы

автор: Дмитрий Слезин

Йома көндө, 2 апрелдә, «Өфө-Арена» майҙанында— аншлаг. Элекке дуҫ-көрәштәштәр – Өфөнөң «Салауат Юлаев»ы һәм Ҡазандан «Аҡ Барс» осраша. Бөгөн Континенталь хоккей лигаһының плей-офф ярымфинал серияһының тәүге уйыны үтә (ике команданың ҡаршы тороуы береһенең дүрт еңеүенә тиклем дауам итә).

Көнсығыш конференцияһының иң яҡшы ике командаһы осраша. 2007 йылда Рәсәй суперлигаһының һуңғы чемпионатында (Өфө клубы үҙенең тарихында тәүге тапҡыр чемпион исемен яулағас) ярымфиналда турнир яҙмышы өфөлөләрҙе ҡазанлылар менән осраштырғайны — ул саҡта «Салауат Юлаев» көслөрәк булып сыҡты — 3:1.

Көнбайыш конференцияһында элгәре көн финал старт алды. Эске эштәр министрлығы (МВД) хоккей клубы Балашихала Ярославлдең «Локомотив»ын беренсегә еңде — 3:2 овертаймда.