11 декабрь, Йәкшәмбе

01 апрель 2010 йыл, 11:31

«Башвест» интернет-гәзитенән Евгения Сюткина "Ватан" конкурсында еңде

автор: Любовь Колоколова

«Башвест» интернет-гәзите хеҙмәткәре Евгения Сюткина "Ватан” бөтә Рәсәй патриотик журналистика конкурсының "Киләсәккә инвестициялар" номинацияһында еңде. Мәскәүҙә "Журналистикала  ватансылыҡ: хәҙергеһе һәм киләсәк” форумы сиктәрендә конкурс лауреаттарын бүләкләү тантанаһы үтте. Еңеүе өсөн хеҙмәттәшебеҙгә диплом тапшырылды һәм  Мәскәү телевидение һәм радио тапшырыуҙар институтында Рәсәй журналистикаһы йондоҙҙарында мастер-класс үтеүгә мөмкинлек бирелде.

Әйтеп үтәйек, «Ватан» патриотик журналистика конкурсы журналистик этика принциптарына тоғро, ысынбарлыҡҡа конструктив, позитив ҡарашлы, һәр нәмәгә гражданлыҡ мөнәсәбәте булған һәләтле журналистарҙы билдәләүгә йүнәлтелгән.

Евгения Сюткина — Рәсәй Федерацияһы һәм Башҡортостан Республикаһы Журналистар ойошмаһы ағзаһы, хәбәрсе һәм интернет-гәзиттең баҫмаға әҙерләүсе мөхәррире вазифаһын башҡарыусы. Ул ике тапҡыр электрон киң мәғлүмәт саралары хеҙмәткәрҙәре араһында "Һөнәри эшмәкәрлектә рус телен өлгөлө белеүе өсөн” бөтә Рәсәй конкурсы лауреаты, шулай уҡ журналистарҙың республика тематик конкурстарында күп тапҡыр еңеүсе һәм бүләкләнеүсе булған.