3 декабрь, Шәмбе

01 апрель 2010 йыл, 11:05

Бөгөн пенсиялар арта

автор: Ғәлиә Нәбиева

1 апрелдә «Рәсәй Федерацияһында хеҙмәт пенсиялары тураһында» Федераль законы буйынса тәғәйенләнгән бөтә төр пенсиялар ҙа 6,3 процентҡа арта.

Бар пенсионерҙар ҙа апрелдә арттырылған пенсиялар аласаҡ, ләкин артыу суммаһы һәр береһенең индивидуаль буласаҡ. Ике пенсиялар алыусы кешеләрҙең ике пенсияһы ла арта.

БР буйынса Рәсәй пенсия фонды бүлексәһенән хәбәр итеүҙәренсә, хеҙмәт пенсияһының уртаса күләме 440 һумға артасаҡ һәм 7313 һум тәшкил итәсәк, ҡартлыҡ буйынса хеҙмәт пенсияһының уртаса күләме 455 һумға арттырылып, 7617 һумға етәсәк.

1 апрелдән шулай уҡ федераль ташлама алыусыларға айлыҡ аҡсалата түләүҙәр күләме, өҫтәмә матди тәьминәт күләме артасаҡ.

Пенсиялар һәм айлыҡ аҡсалата түләүҙәргә өҫтәмә средстволар тейешле финанслау менән нығытылған.