4 декабрь, Йәкшәмбе

30 март 2010 йыл, 12:55

Сәсеү кампанияһына ауыл халҡы яғыулыҡ-майлау материалдары менән тәьмин ителәсәк

автор: Ғәлиә Нәбиева

Сәсеү кампанияһының уңышы күп осраҡта ауыл хужалығы етештереүселәренең яғыулыҡ-майлау материалдары менән етәрлек күләмдә тәьмин ителешенән тора. Бөгөнгө көндә республика аграрийҙары сәсеү эштәренә яғыулыҡ-майлау материлдары менән 44 процентҡа тәьмин ителгән. Республика бюджетынан яғыулыҡ-майлау материалдары һатып алыуға субсидияға йәнә 400 миллион һум аҡса бүленгән. Был средстволар аграрийҙарға ҡорос аттарҙы тейешле яғыулыҡ менән тулыһынса тәьмин итергә мөмкинлек бирәсәк.

Әлеге мәлдә техниканы сәсеү эштәренә әҙерләү тамамлана. Республиканың Дәүләт технадзоры белгестәре инженер хеҙмәттәре менән берлектә трактор һәм тағылма инвентарға техник тикшереү үткәрә.