11 декабрь, Йәкшәмбе

29 март 2010 йыл, 12:23

Башҡортостан артистары сәнғәтен Францияла үтәсәк Науруз байрамында күрһәтә

автор: Эльмира Сабирова

ЮНЕСКО менән Халыҡ-ара диалог һәм донъя халыҡтары мәҙәниәттәре яҡынайыуы йылы тип иғлан ителгән йылда, Францияла төрки халыҡтарының Науруз байрамы үтә. Башҡортостан мәҙәниәтен фестивалдә Башҡортостандың халыҡ артисы, Х.Әхмәтов исемендәге Башҡорт дәүләт филармонияһы солисы Сәйҙә Ильясова һәм республика конкурстары еңеүсеһе ҡурайсы Илшат Ишморатов күрһәтә. Быйылғы йылда яҙғы көн менән төндөң тигеҙләшеүе байрамын мәғариф, фән һәм мәҙәниәт мәсьәләләре буйынса Берләшкән Милләттәр Ойошмаһы (ЮНЕСКО) менән ТӨРКСОЙ халыҡ-ара ойошмаһы әҙерләй. Концерттар Францияла үтә.

Йола буйынса унда Ҡаҙағстан, Ҡырғыҙстан, Әзербайжан, Дағстан, Үзбәкстан һәм башҡа илдәрҙән колективтар ҡатнаша.

Дүшәмбе, 29 мартта, байрам ЮНЕСКО-ның Париждағы штаб-фатирында үтә, 30 мартта —  Страсбургта. Башҡортостан артистары репертуарында –  халыҡ йырҙары һәм көйҙәре.

темалар: Науруз