4 декабрь, Йәкшәмбе

24 март 2010 йыл, 17:00

Белорет металлургия комбинатында хеҙмәткәрҙәренә дөйөм медицина тикшереүе үткәрелә

автор: Эльвира Латипова

«Мечел» компанияһына ҡараусы «Белорет металлургия комбинаты» асыҡ акционерҙар йәмғиәтендә хеҙмәткәрҙәренә флюорографик тикшереү тамамлана. Уның маҡсаты — күкрәк ситлеге ауырыуҙарын ваҡытында асыҡлау.

Ике ай дауамында комбинат территорияһында күсмә флюорографик машина эшләй. Был арала дүрт меңгә яҡын кеше тикшереү үткән. Бөгөн медиктарҙың күсмә бригадаһы метталургтарҙың әүҙемлеген билдәләй. Һәм был осраҡлы түгел: 24 мартта Бөтә донъя туберкулезға ҡаршы көрәш көнө билдәләнә, киң мәғлүмәт сараларында профилактиканың мөһимлеге һәм даими медицина тикшереүҙәренең әһәмиәте тураһында күп яҙыла.  

Март аҙағына тиклем Белорет металлургия комбинаты хеҙмәткәрҙәренең 90 проценты флюорография үтергә тейеш.