7 декабрь, Шаршамбы

23 март 2010 йыл, 13:53

Иғтибар! 24 мартта көслө боҙлауыҡ булыуы көтөлә

автор: Любовь Колоколова

Шаршамбы көнө республика юлдарында көслө боҙлауыҡ булыуы көтөлә. Был Скандинавиянан беҙгә килеүсе атлантик циклон менән бәйләнгән. Бөгөнгө ҡар ҡатыш ямғыр һәм йылы һауа һалҡын атмосфера фронты менән алышынасаҡ. Төнөн термометр бағанаһы минус 9 градусҡа тиклем төшәсәк. Бөгөн был турала «Башинформ» агентлығында үткән матбуғат конференцияһында Башҡортостан гидрометеорология һәм тирә-яҡ мөхит мониторингы идаралығы начальнигы Юрий Ферапонтов хәбәр итте.

Уның һүҙҙәренә ҡарағанда, яҡын араларҙа һауа торошона йылы һәм һыуыҡ тулҡындарҙың алмашыныуы хас буласаҡ. Апрелдең икенсе ун көнлөгө башына яҙғы һауа торошо урынлашыуы көтөлә.

Алдағы боҙлауыҡ менән бәйле, синоптиктар бөтә автомобилистарға һәм йәйәүлеләргә юлда бик иғтибарлы һәм һаҡ булырға кәңәш итә.

темалар: һауа торошо