10 декабрь, Шәмбе

23 март 2010 йыл, 9:08

Башҡортостанда ужым культуралары торошо хәүефләндермәй

автор: Рәсүл Хәмиҙуллин

Ҡышҡы һыуыҡтар төбәктә 85,2 мең гектар майҙанда сәселгән ужым культураларының 15 процентын һәләк иткән. Башҡортостан Республикаһы Ауыл хужалығы министрлығынан аңлатыуҙарынса, был сағыштырмаса ҙур һан түгел — 20 процент ужым шытымдарының һәләк булыуы ла хәүефле һаналмай.

Белгестәр фекеренсә, ҡарҙың тиҙ иреүе һәйбәт. Ләкин тупраҡтың һыуланыуы йәнә бер ауырлыҡ тыуҙыра. Әгәр һыу ер өҫтөндә йыйылһа, был сәсеүгә зыян килтерәсәк. Ауыл хужалығы биләмәләрен һыу баҫыуы арҡаһында һәләк буласаҡ ужым культураларының артыуы мөмкин.