Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.65 ↓

EUR 69.99 ↑

17 август, Кесе йома

Уфа   °

Балет солистары «Балет – балаларға» проекты сиктәрендә концертта сығыш яһай

Йәмғиәт

«Классик дивертисмент» — Башҡорт дәүләт опера һәм балет театрының Бәләкәй сәхнәһендә 23 мартта үтәсәк концерт шулай атала. Уның ҡатнашыусылары — «Браво» халыҡ бейеү театрының йәш артистары, шулай уҡ театрҙың балет труппаһы солистары: Башҡортостан Республикаһының халыҡ артисы Гөлсинә Мәүлекәсова, Башҡортостан Республикаһының атҡаҙанған артисы Илдар Манапов, Гөлнара Хәлитова, Артур Новичков. Улар башҡарыуында тамашасыға  классик балеттарҙан номерҙар, вариациялар, хореографик миниатюралар тәҡдим ителәсәк.

— «Балет — балаларға» проекты йәш быуын иғтибарын балет сәнғәтенә йәлеп итеү ниәтендә ойошторолдо, —ти «Браво» бейеү театрының художество етәксеһе Светлана Харисова. – Алдағы концерт — уны бойомға ашырыуҙа тәүге аҙым. Баштан уҡ беҙгә балет йондоҙҙарының ярҙам итеүе арҡаһында уңдыҡ. Һүҙ ыңғайы,  Илдар Манапов – беҙҙең элекке уҡыусыбыҙ, Башҡорт опера һәм балет театрының әйҙәүсе солисы беҙҙә тәүге аҙымдарын яһаны, тип ғорурланып әйтә алабыҙ.

Үкенескә күрә, һуңғы арала йәштәрҙең классик сәнғәткә ҡыҙыҡһыныуы кәмей, һәм бының менән беҙ һис килешмәйбеҙ. Үҙебеҙҙең өлгөлә музыка, бейеү кеүек классик мираҫыбыҙҙың ни хәтлем бай һәм матур икәнен, һәм сәнғәт арҡаһында уңышлы кеше булырға мөмкин булыуын күрһәтергә теләйбеҙ.

Яндекс цитирования
Рейтинг ресурсов "УралWeb"
закрыть