8 декабрь, Кесе йома

22 март 2010 йыл, 8:37

Кирилл Михайлов: Рәсәй һәм Башҡортостан өсөн етенсе «алтын»

автор: Дмитрий Слезин

Канаданың Уистлер ҡалаһында саңғы уҙыштары буйынса паралимпия ярыштарында 1х4 + 2х5 километрға ирҙәр эстафетаһы үтте, ул рәсәйҙәргә сираттағы «алтын» килтерҙе. Башҡортостан спортсыһы Кирилл Михайлов, шулай уҡ уның Рәсәй командаһы буйынса иптәштәре Сергей Шилов һәм Николай Полухин Украинанан конкуренттарынан 22 секундҡа алда килде.

Норвегтар рәсәйҙәрҙән 55 секундҡа ҡалышып, «бронза» призер булды.

Был Михайловтың Уйындар-2010-да дүртенсе наградаһы – өс «алтын» һәм бер «көмөш». Башҡортостандан икенсе спортсы-паралимпиясы Ирек Зариповтың иҫәбендә әлегә дүрт иң юғары награда.