4 декабрь, Йәкшәмбе

19 март 2010 йыл, 15:47

Миграция хеҙмәте ярҙам һорап мөрәжәғәт итә

автор: Елена Макушина

Миграция хеҙмәте хеҙмәткәрҙәре менән сит ил граждандары тарафынан законһыҙ миграцияны иҫкәртеү буйынса даими тикшереү алып барыла.  

«Башинформ» агентлығына Рәсәй Федераль миграция хеҙмәтенең БР буйынса идаралығы матбуғат хеҙмәтенән хәбәр итеүҙәренсә, һуңғы арала Черкизов баҙарын япҡандан һуң Мәскәүҙән Башҡортостанға килеүсе Вьетнам граждандарының артыуы күҙәтелә. Был граждандар республикаға законһыҙ үтеп ингән, миграция теркәлеүе үтмәгән.

Рәсәй Федераль миграция хеҙмәтенең БР буйынса идаралығы һуңынан тикшереү маҡсатында сит ил граждандары күпләп йәшәгән урындарҙы асыҡлау өсөн республика халҡына мөрәжәғәт итә.  

«Әгәр һеҙҙә бындай мәғлүмәт бар икән, һеҙ Рәсәй Федераль миграция хеҙмәтенең БР буйынса идаралығына 237-14-80, 237-46-08, 237-06-00, 251-52-14, 279-47-80 (ышаныс телефоны) телефондары буйынса шылтырата алаһығыҙ, шулай уҡ www.fmsrb.ru сайтының Баһалама, ялыуҙар, тәҡдимдәр бүлегендә лә мәғлүмәт ҡалдыра алаһығыҙ», — тиелә Рәсәй Федераль миграция хеҙмәтенең БР буйынса идаралығының матбуғат хеҙмәте менән йома көндө таратылған мөрәжәғәтендә.