4 декабрь, Йәкшәмбе

19 март 2010 йыл, 9:38

БР Президенты Мортаза Рәхимов Волга буйы федераль округы Советы ултырышында ҡатнаша

автор: БР Президентының матбуғат хеҙмәте | фото: Андрей Старостин

19 мартта Киров ҡалаһында Башҡортостан Республикаһы Президенты Мортаза Рәхимов Рәсәй Федерацияһы Президентының Волга буйы федераль округындағы тулы хоҡуҡлы вәкиле ҡарамағындағы Совет ултырышында ҡатнашасаҡ. Ултырышты Рәсәй Президентының Волга буйы федераль округындағы тулы хоҡуҡлы вәкиле Григорий Рапота үткәрә.

Кәңәшмәлә округта балалар, олоғайған граждандар һәм инвалидтар хоҡуҡтарын һәм мәнфәғәттәрен яҡлауҙы тәьмин итеү буйынса дәүләт сәйәсәте мәсьәләләрен ғәмәлгә ашырыу тикшереләсәк. Ултырышта ҡатнашыусылар шулай уҡ Бөйөк Ватан һуғышында Еңеүҙең 65 йыллығын байрам итеүгә әҙерлекте барлаясаҡ.