5 декабрь, Дүшәмбе

15 март 2010 йыл, 9:49

Башҡортостан паралимпиясылары икенсе «алтын» яуланы

автор: Дмитрий Слезин

Канаданың  Уистлер ҡалаһында X Паралимпия уйындары башланған көндә Рәсәй йыйылма командаһы иҫәбенә Башҡортостандан ике спортсыбыҙ “алтын” миҙалдар килтерҙе. Беренсеһен терәк-хәрәкәт аппараты зарарланған спортсылар араһында биатлон эҙәрлекләү уҙышында Ирек Зарипов яуланы. Бында икенсе урынға Юрий Костюк (Украина) сыҡты, «бронза» миҙалды Энди Суле (АҠШ) алды.

Физик үҙенсәлектәр менән спортсылар араһында Башҡортостанда тәрбиәләнеүсе биатлонсы Кирилл Михайлов эҙәрлекләү уҙышында беренсе булып килде. Норвег Нильс-Эрик Ульсет унан 19 секундҡа ҡалышты, украин Григорий Вовчинский бронза призер булды.

Рәсәй йыйылма командаһы, һигеҙ награда – өс «алтын», өс «көмөш» һәм ике «бронза» яулап, дөйөм команда иҫәбендә алға сыҡты. Икенсе урынды Украина командаһы (2-1-2) биләй, өсөнсөлә – Германия (1-0-0).