10 декабрь, Шәмбе

12 март 2010 йыл, 16:20

Силәбелә VII өлкә башҡорттары ҡоролтайы үтәсәк

автор: "Башинформ"

20 мартта Силәбе йәш тамашасы театрында Силәбе өлкәһе башҡорттарының VII отчет-һайлау ҡоролтайы эшен башлаясаҡ. Силәбе өлкәһе губернаторы Петр Сумин уны үткәреү тураһында бойороҡҡа ҡул ҡуйҙы.

Силәбе өлкәһе үҙендә йәшәгән башҡорттар һаны буйынса Рәсәйҙә икенсе урынды биләй. Төбәк Хөкүмәте башҡорт халҡының телен, милли мәҙәниәтен һаҡлауға, Башҡортостан менән хеҙмәттәшлекте нығытыуға ҙур иғтибар бирә.

2003 йылдан Силәбе өлкәһе Хөкүмәте менән Башҡортостан Республикаһы Хөкүмәте араһындағы Сауҙа-иҡтисади, фәнни-техник, социаль һәм мәҙәни хеҙмәттәшлек тураһында килешеү тормошҡа ашырыла. Ҡоролтайға 300-ҙән ашыу делегат йыйыласаҡ.

Көн тәртибендә – өлкә Ҡоролтайы рәйесе Марсель Йосоповтың отчет доклады, башҡорт мәҙәниәтен һаҡлау һәм үҫтереү мәсьәләләрен тикшереү, яңы рәйес һәм башҡарма комитеттың яңы составын һайлау.