12 март 2010 йыл, 13:28
Уҡытыу-тәжрибә участкаларының етәкселәре өсөн Өфөлә семинар үтә
автор: Эльмира Сабирова
Өфөлә, Республика балалар эколого-биология үҙәгендә 15 мартта уҡытыу-тәжрибә участкалары мөдирҙәре өсөн инструктив–методик семинар башлана. 50-гә яҡын кешенең ҡатнашыуы көтөлә.
Унда уҡытыу-тәжрибә участкаларын ойоштороуҙы камиллаштырыу һәм эшен алып барыу, уҡытыу-тәрбиә процесында уларҙың баһаһын күтәреү, уҡыусыларҙың фәнни-тикшеренеү эшмәкәрлеген арттырыу мәсьәләләре тикшереләсәк.
Семинарҙа ҡатнашыусылар мәктәп яны участкаһын йәшелләндереүҙә дарыу үләндәрен ҡулланыу һәм участкаларҙа тәжрибә эшмәкәрлеген алып барыу алымдары менән танышасаҡ.
Бындай уҡытыу-тәжрибә участкаларының һәр эколого-биология үҙәгендә булыуын билдәләп үтергә кәрәк. Уларҙың спецификаһы мөмкин тиклем балалар белем алған уҡыу программаһына яраҡлаштырылған, шуның арҡаһында йәш тикшеренеүселәр теоретик белемдәрен практикала нығыта һәм төрлө техникаларҙы үҙләштерә ала.
Статьи по теме
