10 декабрь, Шәмбе

11 март 2010 йыл, 13:18

Мәскәүҙә күргәҙмәлә НефАЗ-дың туристик автобусы күрһәтелә

автор: Любовь Колокова

Мәскәүҙә, 13 мартта асыласаҡ «Интурмаркет» күргәҙмәһендә «VDL-НефАЗ» туристик автобусы күрһәтеләсәк. Бөгөн ул Башҡортостандан юлға сыҡты, һәм «Интурмаркет» экспофорумында республика стенды эргәһендә, павильон эсендә түрҙән урын алырға тейеш. Күргәҙмәне ойоштороусылар Рәсәй туристик автобусына ташлама яһай: ғәҙәттә ҙур габаритлы техника тышта урынлаштырыла.  

Ошондай мәғлүмәт бирҙе БР Йәштәр сәйәсәте, спорт һәм туризм министрлығының туриндустрия бүлеге начальнигы Владимир Кучук, туристик баҙарында ҡатнашыусы ҡайһы берәүҙәрҙең Рәсәйҙә оҙайлы сәфәргә иҫәпләнгән комфортлы туристик автобустар сығарылмай, тигән һүҙҙәрен кире ҡағып.