10 декабрь, Шәмбе

11 март 2010 йыл, 9:51

Йәштәр эшҡыуарлығы мәктәбендә дәрестәр башланды

автор: Эльмира Сабирова

Уҙған йылда Өфө дәүләт иҡтисад һәм сервис академияһы нигеҙендә асылған йәштәр эшҡыуарлығы мәктәбендә йәнә дәрестәр башланды.

Ике аҙна дауамында юғары уҡыу йорттары студенттары һәм аспиранттары, шулай уҡ үҙ эшен асырға, эшҡыуар булырға ниәтләгән кешеләр бында бизнес-план төҙөргә, бизнес ойоштороу тәртибенә, һөйләшеүҙәр һәм документация алып барырға өйрәнә. Мәктәптә бирелгән белемде йүнсел йәштәр артабан практикала ҡуллана аласаҡ. Сығарылыш уҡыусыларына ағымдағы йылдың 30 мартынан 2 апреленә тиклем үтәсәк Йәштәр фәне көндәре сиктәрендә мәктәпте тамамлауҙары тураһында таныҡлыҡ тапшырыласаҡ.

Ошондай уҡ мәктәптең 18 мартта Өфө менеджмент институты нигеҙендә лә асылыуы көтөлә.

«Башинформ» агентлығына БР Йәштәр сәйәсәте, спорт һәм туризм министрлығынан хәбәр итеүҙәренсә, уҙған йыл эсендә республиканың ҡала һәм ауылдарында 500 кешене үҙ эсенә алған 15 йәштәр эшҡыуарлығы мәктәбе асылған. Әлеге көндә был мәктәптәрҙе тамамлағандарҙың күптәре үҙ эшен уңышлы ойоштора алған.  

темалар: йәштәр