11 декабрь, Йәкшәмбе

09 март 2010 йыл, 13:57

Татарстандың сәнәғәт һәм сауҙа министры Рауил Зарипов Өфөгә килә

автор: Эльвира Латипова

Бөгөн Өфөгә Татарстан Республикаһының сәнәғәт һәм сауҙа министры Рауил Зарипов килә.

Сәфәр программаһы бер көнгә – 10 мартҡа иҫәпләнгән. Иртәнсәк БР Сәнәғәт һәм тышҡы иҡтисади бәйләнештәр министрлығында Башҡортостан менән Татарстандың эшлекле даирәләр вәкилдәренең бизнес-осрашыуы үтәсәк. Рауил Зарипов уны рәсми асыуҙа ҡатнашасаҡ. Һуңынан ул БР Хөкүмәте Премьер-министры урынбаҫары, Башҡортостандың сәнәғәт һәм тышҡы иҡтисади бәйләнештәр министры Юрий Пустовгаров менән ике яҡлы хеҙмәттәшлек мәсьәләләрен тикшерәсәк. Программала шулай уҡ – БР Фәндәр академияһы етәкселеге менән осрашыу, «ӨМЭПБ» асыҡ акционерҙар йәмғиәтенең авиацион технологиялар технопаркына, «Буринтех» фәнни-производство предприятиеһына һәм башҡа объекттарға барыу.