7 декабрь, Шаршамбы

04 март 2010 йыл, 17:16

Өфө районында яңы төҙөлөш материалдары производствоһы сафҡа индерелә

автор: Эльвира Латипова

Быйылғы йылда Башҡортостандың Өфө районында төҙөлөш материалдары етештереүсе яңы ике ҙур производство ойошторола. Был турала БР Төҙөлөш, архитектура һәм транспорт министрлығы коллегияһы ултырышында  ведомство башлығы Рауил Ибәтуллин хәбәр итте.

«Главбашстрой» асыҡ акционерҙар йәмғиәте йылылыҡ һаҡлаусы материал – газ силикатынан стена изделиелары етештереүсе заманса производствоны сафҡа индерә. Уның ҡеүәте — йылына 230 мең продукция. Эквивалентта 100 миллион дана шартлы кирбескә тиң. «Үҙ йортом» яуаплылығы сикләнгән йәмғиәтенең производство ҡеүәттәре пенополистироль йылытыу ҡатламы булған ағас йыйылма панелдәрҙән эконом-класындағы аҙ ҡатлы торлаҡ йорттар төҙөргә мөмкинлек бирә.  Йылына компания 400 мең квадрат метрға яҡын торлаҡ биналыҡ материалдар етештерәсәк. Шул уҡ мәлдә, Ибәтуллин әйтеүенсә, йыйылма панелдәрҙе торлаҡ йорттар өсөн генә түгел, балалар баҡсаһы, мәктәп, фельдшер-акушер пункты кеүек социаль объекттар төҙөлөшөндә лә ҡулланырға мөмкин буласаҡ.