3 декабрь, Шәмбе

02 март 2010 йыл, 14:01

Һәләк булған һалдаттар әсәләре һәм тол ҡатындары хөрмәтенә кисә

автор: Эльмира Сабирова

Халыҡ-ара Ҡатын-ҡыҙҙар көнө алдынан Өфөлә, Республика ғаиләгә, балаларға, йәштәргә социаль-психологик ярҙам үҙәгендә, локаль һуғыштарҙа һәм хәрби хәрәкәттәрҙә һәләк булған хәрби хеҙмәткәрҙәр әсәләре һәм уларҙың тол ҡатындары өсөн «Ҡатын-ҡыҙҙар серҙәре» кисәһе ойоштороласаҡ.

Үҙәктән хәбәр итеүҙәренсә, концерт, сәй эсеү һәм бүләктәр тапшырыу — был Халыҡ-ара Ҡатын-ҡыҙҙар көнө алдынан ведомство ойошторған традицион сара. Ойоштороусылар, бындай кисәләр үткәреү һуғышта яҡындарын юғалтҡандар өсөн үтә мөһим, тип инана. 4 мартта үткәреләсәк сараның төп маҡсаты – һәләк булған хәрби хеҙмәткәрҙәр ғаиләләренә психологик ярҙам.

Ентекле мәғлүмәттәрҙе 8(347) 272-82-87 телефоны аша белергә мөмкин.