Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.28

EUR 69.64

11 декабрь, Дүшәмбе

Уфа   °

Алексей Щербацкий: Эшҡыуарҙар артабан да республика файҙаһына эшләргә әҙер

Иҡтисад

— Республика Президентының “Башҡортостанды артабан модернизациялау: ХХI быуатта именлеккә һәм сәскә атыуға илтеүсе юл” Мөрәжәғәтнамәһе бөтә төбәк халҡы һәм тәғәйен беҙҙең, эшҡыуарҙар, өсөн стратегик, концептуаль документ булып тора. Президент, республикала эшҡыуарлыҡ киң үҫеш алыуын билдәләп, беҙҙең хеҙмәтебеҙгә тейешле баһа бирҙе. Бөгөн бәләкәй һәм урта бизнес тулайым төбәк продуктының бишенсе өлөшөн тәшкил итә. Был Рәсәйҙә иң яҡшы һөҙөмтәләрҙең береһе, — тине Эшҡыуарлыҡ ойошмалары ассоциацияһы Советы рәйесе, БР Дәүләт Йыйылышы-Ҡоролтай депутаты Алексей Щербацкий. — Бер үк ваҡытта беҙ алға йүнәлеш алдыҡ, был булған эш урындарын һаҡлап һәм яңы эш урындары булдырып, халыҡты мөмкин тиклем күберәк эш менән тәьмин итеү, эшҡыуарҙарҙың башланғыстарын яҡлау менән бәйләнгән.

Алексей Щербацкий фекеренсә, эшҡыуарҙар менән муниципаль берәмек хакимиәттәре араһында хеҙмәттәшлекте нығытмайынса муниципалитеттарҙа иҡтисадты үҫтереүгә өлгәшеп булмаясаҡ. Мәҫәлән, БР Эшҡыуарлыҡ ойошмалары ассоциацияһы “Эшҡыуарлыҡ эшмәкәрлеген алып барыу процесында урындағы үҙидара органдарының бәләкәй һәм урта бизнес субъекттары менән үҙ-ара хеҙмәттәшлеге” темаһы буйынса дискуссия үткәреү инициаторы булды.

— Беҙ, иҡтисадты үҫтереүгә үҙ өлөшөбөҙҙө индереп, социаль өлкәлә ыңғай үҙгәртеп ҡороуҙарға булышлыҡ итеп, артабан да республика файҙаһына эшләргә әҙербеҙ, — ти Алексей Щербацкий. – Президентыбыҙҙың беҙҙе яҡлауын тойоп, был теләк тағы ла нығый ғына.

Яндекс цитирования
Рейтинг ресурсов "УралWeb"
закрыть