4 декабрь, Йәкшәмбе

01 март 2010 йыл, 12:07

Өфөлә саңғы буйынса Рәсәй федераль именлек хеҙмәте чемпионаты башлана

автор: Лилия Тыртышная

Өфөлә 1-5 мартта саңғы буйынса Рәсәй Федерацияһы Федераль именлек хеҙмәте чемпионаты үтә.  

"Башинформ" агентлығына "Динамо" физкультура – спорт йәмғиәтенең матбуғат хеҙмәтенән хәбәр итеүҙәренсә, ярыштар "Биатлон" спорт – һауыҡтырыу комплексында үтәсәк, унда Рәсәйҙең ете федераль округынан йыйылма командалар ҡатнаша. Ярыштың беренсе көнөндә ҡатын-ҡыҙҙар – 3, ир-егеттәр 5 километрға йүгерә.  3 мартта оҙонораҡ дистанциялар ҡаралған — ҡыҙҙарға 5 километр, көслө заттарға 10 километр. Ә 4х5 километрлыҡ эстафета чемпионаттың һуңғы көнөнә билдәләнгән, унан һуң ҡатнашыусыларҙы ярышты ябыу тантанаһы һәм иң яҡшы саңғысыларҙы бүләкләү тантанаһы көтә.