3 декабрь, Шәмбе

01 март 2010 йыл, 11:37

Геннадий Родионов яңы юбилей программаһын тәҡдим итә

автор: Әлфиә Әһлиуллина

Башҡортостандың халыҡ артисы, Ғәлимов Сәләм исемендәге Республика премияһы лауреаты Геннадий Родионов үҙенең «Йылдар, аралар аша...» («Через годы, через расстоянья...») яңы концерт программаһын күрһәтәсәк. Олег Касимов етәкселегендәге эстрада-симфоник оркестры оҙатыуында концерт 5 мартта Башҡорт дәүләт опера һәм балет театрында үткәрелә. Ул артистың 60 йәшлек юбилейына арнала.

Юбилей программаһында виртуоз скрипкасы, халыҡ-ара фестивалдәр лауреаты, «Кремль-концерт» солисы Вардан Маркос (Мәскәү) ҡатнаша.

Вардан Маркосҡа һәм эстрада-симфоник оркестрына ҡушылып Геннадий Степанович Юрий Антонов, Арно Бабаджанян, Леонид Дербенев, Исаак Дунаевский, Игорь Крутой, Александра Пахмутова, Давид Тухманов, Владимир Шаинскийҙың йырҙарын башҡарасаҡ.