11 декабрь, Йәкшәмбе

27 февраль 2010 йыл, 14:32

Мортаза Рәхимов Максим Чудовты Олимпиадала бронза миҙал яулауы менән ҡотланы

автор: БР Президентының матбуғат хеҙмәте

Башҡортостан Республикаһы Президенты Мортаза Рәхимов Максим Чудовҡа Ванкуверҙағы Олимпия уйындарында биатлон буйынса ирҙәр эстафетаһында бронза миҙал яулауы менән ҡотлап телеграмма ебәрҙе.

Ҡотлауҙа шулай тиелә:

«Хөрмәтле Максим Александрович!

Һеҙҙе Ванкувер ҡалаһында (Канада) 2010 йылғы XXI ҡышҡы Олимпия уйындарында бронза миҙал яулауығыҙ менән ихлас ҡотлайым!  

Ҡатмарлы шарттарҙа Һеҙ ҡыйыулыҡ һәм ныҡышмалылыҡ, Олимпия идеалдарына һәм ватан спортының иң яҡшы традицияларына тоғролоҡ күрһәттегеҙ.

Һеҙгә спорт карьераһында артабанғы уңыштар, ныҡлы һаулыҡ, именлек һәм бәхет теләйем!

Башҡортостан Республикаһы Президенты М.Рәхимов».