3 декабрь, Шәмбе

27 февраль 2010 йыл, 12:12

Мәләүездә имамдар өсөн квалификация күтәреү курстары үтте

автор: Евгений Рәхимҡолов

Башҡортостан Республикаһы мосолмандарының Диниә назараты имамдарға Мәләүездә квалификация күтәреү курстарын үткәрҙе. Сараға Мәләүез, Көйөргәҙе, Федоровка, Күгәрсен райондарынан дин әһелдәре йыйылды.

Имамдар алдында лекциялар һәм докладтар менән БР мосолмандары Диниә назараты рәйесенең мәғариф, тышҡы һәм йәмәғәтселек менән бәйләнештәр буйынса урынбаҫары Руслан Сәйәхов, Мәрйәм Солтанова исемендәге мәҙрәсә директоры Илдар Малахов, БР мосолмандары Диниә назараты ҡарамағындағы «Хәләл» стандарты буйынса комитет етәксеһе  Илгиз Абдрахманов, шулай уҡ Мысырҙан уҡытыусы Мөхәммәд Хинди шәйех сығыш яһаны.

Руслан Сәйәхов әйтеүенсә, Мәләүездә бындай курстар ағымдағы йыл башында өсөнсөгә үткәрелә. БР мосолмандары Диниә назараты Өфөгә килә алмаған алыҫ райондарҙағы имамдар өсөн күсмә курстар үткәреү практикаһын 2009 йылдың аҙағында индергән.

темалар: дин