7 декабрь, Шаршамбы

27 февраль 2010 йыл, 10:49

«Башҡортостан» киностудияһында Асыҡ ишектәр көнө үткәрелә

автор: Әлфиә Әһлиуллина

3 мартта “Башҡортостан” киностудияһында Асыҡ ишектәр көнө үткәрелә. Ҡунаҡтарҙы киностудия хеҙмәткәрҙәре түгел, ә Санкт-Петербург дәүләт кино һәм телевидение университетының ҡабул итеү комиссияһы ағзалары – уҡыу йортоноң беренсе проректоры Галина Тихомирова, “Операторлыҡ оҫталығы” кафедраһы доценты, Рәсәй киноһы мэтры Эдуард Розовский, аудиовизуаль техника факультеты деканы профессор Евгений Осташевский ҡабул итәсәк.

Был сараның маҡсаты — буласаҡ абитуриенттарҙы университетҡа уҡырға инеү ҡағиҙәләре һәм Санкт-Петербург дәүләт кино һәм телевидение университеты студенттарының авторлыҡ эштәре менән таныштырыу. Бөгөн был уҡыу йортонда 50-нән ашыу ватандашыбыҙ уҡый.

темалар: кино,мәғариф