4 декабрь, Йәкшәмбе

26 февраль 2010 йыл, 13:53

Куйбышев тимер юлы фирма поездарында йөрөү хаҡын кәметә

автор: Любовь Колоколова

Куйбышев тимер юлы фирма поездарында билеттарға хаҡты кәметә. Билетты ҡасан һатып алыуға ҡарамаҫтан, максималь ташлама күләме СВ вагонда 15 процент һәм купе вагондарында һигеҙ процентҡа тиклем тәшкил итәсәк.

Куйбышев тимер юлының йәмәғәтселек менән бәйләнеш хеҙмәте хәбәр итеүенсә, был тәҡдим быйыл 1 апрелдән 31 майға тиклем һәм 15 сентябрҙән 15 декабргә тиклем осорҙа йөрөйәсәк 39/40-сы «Өфө – Мәскәү» һәм 107/108-се «Һамар — Санкт-Петербург» фирма поездарына ла ҡағыла.

Мәҫәлән, ташламаны иҫәпкә алып, апрель айында 39-сы «Өфө – Мәскәү» поезында йөрөү хаҡы (комиссия йыйымдарын иҫәпкә алмайынса) купе вагонда – 3667 һәм, СВ вагонда 6693 һум тәшкил итәсәк.

Билеттарҙы тимер юл кассаларында ла, шулай уҡ интернет аша ла алырға мөмкин.