4 декабрь, Йәкшәмбе

25 февраль 2010 йыл, 17:53

Парламент депутаттары ете мировой судья һайланы

автор: Николай Ермоленко

Башҡортостан Республикаһының дүртенсе саҡырылыш Дәүләт Йыйылышы-Ҡоролтайҙың бөгөнгө, 22-се ултырышында депутаттарға тәҡдим ителгән һигеҙ кандидаттың етәүһе Башҡортостан Республикаһының айырым суд участкалары мировой судьялары вазифаһына һайланды.

Наталья Андрианованы – Өфөнөң Орджоникидзе районы буйынса 2-се суд участкаһы мировой судьяһы, Галина Верещакты шул уҡ район буйынса 7-се суд участкаһы мировой судьяһы итеп һайланылар. Ринат Иҙелбаев – Баймаҡ районы һәм ҡалаһы буйынса 1-се суд участкаһы мировой судьяһы, Гөлнара Сафина – Өфөнөң Совет районы буйынса 8-се суд участкаһы, Эльмира Таһирова – Өфөнөң Октябрь районы буйынса 5-се суд участкаһы, Рима Фәйрузова —  Өфөнөң Ленин районы буйынса 6-сы суд участкаһы, Ғәлиә Чукаева Башҡортостан баш ҡалаһының Калинин районы буйынса 10-сы суд участкаһы мировой судьяһы булды.  

Депутаттар Өфөнөң Калинин районы буйынса 7-се суд участкаһы мировой судьяһы вазифаһына  Фәриҙә Ғәйетҡолованы һайламаҫҡа ҡарар итте,  уның кандидатураһын дәүләт ҡоролошо буйынса парламент комитеты кире ҡағырға тәҡдим итте.