9 декабрь, Йома

24 февраль 2010 йыл, 14:48

Хәләл индустрияны үҫтереү перспективаларын тикшерәсәктәр

автор: Евгений Рәхимҡолов

Дүртөйлөлә үтәсәк хәләл индустрияһын үҫтереү буйынса кәңәшмәлә ҡатнашыусылар Башҡортостанда хәләл тауарҙар етештереү перспективаларын тикшерәсәктәр.

Башҡортостан Республикаһы мосолмандарының Диниә назараты ҡарамағындағы “Хәләл” стандарты буйынса комитет етәксеһе Илшат Ғизәтуллин хәбәр итеүенсә, кәңәшмәлә БР Президенты Хакимиәте, БР Хөкүмәте Аппараты, БР Дәүләт Йыйылышы-Ҡоролтай, республиканың профилле министрлыҡтары һәм ведомстволары, ҡала һәм район хакимиәттәре вәкилдәре ҡатнашасаҡ.

Сара сиктәрендә республика етештереүселәренең хәләл тауарҙар күргәҙмәһе ойоштороласаҡ.

Кәңәшмә 6 мартта Дүртөйлөнөң Ҡала мәҙәниәт һарайында үтәсәк. Сәғәт 10-да башлана.

темалар: сәнәғәт,дин