7 декабрь, Шаршамбы

19 февраль 2010 йыл, 14:56

Байрамдарҙа ҡар яуыуы көтөлә

автор: Ғәлиә Нәбиева

Быйыл февраль айына көндәрҙең һалҡын тороуы, ҡар яуыуы хас, бындай һауа торошо байрам көндәрендә лә һаҡланасаҡ. Башгидрометүҙәк синоптиктары төндәрен температураның ҡырҡа төшөүен күҙаллай. Иртәгә көндөҙ минус 8 градус буласаҡ. Ҡар яуасаҡ, көньяҡ-көнбайыштан секундына 3-4 метр тиҙлектә ел иҫәсәк. Ә төнөн һыуыҡ 30 градусҡа тиклем көсәйәсәк.

Йәкшәмбе көнө көндөҙ минус 20 градус, ә төндә тағы 30 градусҡа тиклем һалҡын булыуы көтөлә. Көндөң икенсе яртыһында ҡар яуыуы ихтимал. Дүшәмбе лә ошондай һауа торошо һаҡланасаҡ.

Ватанды һаҡлаусылар көнөндә бер аҙ йылыраҡ буласаҡ. Көндөҙ термометр бағанаһы минус 10 градус күрһәтәсәк, ә төнөн – минус 20-гә тиклем. Ҡар яуыуы дауам итәсәк.