3 декабрь, Шәмбе

18 февраль 2010 йыл, 16:17

Башҡортостандың йәш ғалимдары гранттар менән билдәләнәсәк

автор: Эльмира Сабирова

19 февралдә БР Хөкүмәтендә дүртенсе тапҡыр Башҡортостандың йәш ғалимдарына гранттар тапшырыу тантанаһы үтәсәк.  

Иҫегеҙгә төшөрәбеҙ, был грант 2007 йылда Башҡортостан республикаһында фундаменталь һәм ғәмәли тикшеренеүҙәрҙең өҫтөнлөклө йүнәлештәре буйынса фәнни эшмәкәрлеккә ярҙам итеү һәм дәртләндереү өсөн ойошторолғайны.

Йыл һайын 30 грант тапшырыла, шуларҙың 15-е – юғары уҡыу йорттарының йәш ғалимдарына бирелә.

Уҙған йылда грант күләме 50 меңдән 60 меңгә тиклем арттырылды. Улар маҡсатлы кире ҡайтарылмай торған субсидиялар формаһында бүленә һәм фәнни тикшеренеүҙәр, фәнни эш яҙыу һәм баҫтырыу, шулай уҡ республика, бөтә Рәсәй, халыҡ-ара конференцияларҙа ҡатнашыуға тәғәйенләнә. Бынан тыш, гранттарҙы үҙебеҙҙә һәм сит илдең фәнни үҙәктәрендә стажировка үтер өсөн, экспедицияларҙа ҡатнашыу маҡсатында ҡулланырға мөмкин.

темалар: фән