6 декабрь, Шишәмбе

16 февраль 2010 йыл, 17:03

Башҡортостан парламенты делегацияһы Кореяға юлланды

автор: Николай Ермоленко

Башҡортостан Республикаһы Дәүләт Йыйылышы-Ҡоролтай делегацияһының Корея Республикаһына рәсми сәфәре башланды. БР Дәүләт Йыйылышы матбуғат хеҙмәте хәбәр итеүенсә, сәфәр барышында парламент һәм республика Хөкүмәте вәкилдәре Корея Республикаһы Бөйөк Милли Партияһы Рәйесе Мон-Чжун Чанг, Корея Республикаһы Милли Йыйылышы Рәйесе Хьюнг О Ким һәм Сеул мэры Се-хун О менән осрашасаҡ.

Республика парламенты спикеры Константин Толкачев етәкселегендәге делегацияға Дәүләт Йыйылышы Секретариаты Етәксеһе Венир Аҙнағолов, депутаттар Салауат Ғайсин, Наил Ҡотлогилдин, Михаил Маляренко һәм Башкортостан Республикаһының иҡтисади үҫеш министры Евгений Евтушенко инә.