Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.00 ↓

EUR 66.08 ↑

27 июнь, Шишәмбе

Уфа   °

Төрки фильмдар көндәрендә башҡорт кинематографистары эштәрен күрһәтәсәктәр

Йәмғиәт

2010 йылдың 15-18 февралендә быйыл Европа мәҙәниәте баш ҡалаһы тип иғлан ителгән Истанбул ҡалаһында IV Төрки фильмдар көндәре үтә. Сарала Ҡаҙағстан, Ҡырғыҙстан, Ҡытай, Тажикстан, Төркиә, Үзбәкстан, Башҡортостан һәм Татарстандан режиссерҙар, сценаристар һәм артистар ҡатнаша.

Башҡортостан делегацияһына сценарист Таңсулпан Бураҡаева һәм Башҡортостан юлдаш телевидениеһы режиссеры Зарема Хисмәтуллина инә. Жюри һәм төрөк тамашасылары «Рәхмәт» нәфис фильмын (режиссеры — Әнүәр Райбаев, сценарий авторҙары Таңсулпан һәм Зөһрә Бураҡаевалар) һәм башҡорт халыҡ әкиәте мотивтары буйынса ижад ителгән «Ҡош тәпәйе» мультфильмын (режиссеры – Владислав Байрамғолов, сценарий авторы – Таңсулпан Бураҡаева) күрәсәк.

Төрөк субтитрҙары менән башҡорт фильмдары 16 һәм 18 февралдә Бюлент Эджевит исемендәге Мәҙәниәт үҙәгендә (Бейоглу районы) һәм Муаммер Карадж театрында (Картал районы) күрһәтеләсәк.

Бынан тыш, матбуғат конференциялары, тамашасылар менән осрашыуҙар, афишалар күргәҙмәһе үтәсәк.

Төрки фильмдар көндәре ТӨРКСОЙ Халыҡ-ара ойошмаһы, Төркиәнең Мәҙәниәт һәм туризм министрлығы, Истанбул ҡалаһы мэрияһы ярҙамында Истанбул университетының Евразия институты тарафынан ойошторолған.

Яндекс цитирования
Рейтинг ресурсов "УралWeb" -->
закрыть